26
जुलै
09

बेबलॉश्की

“मांजर बेबलॉश्कीचं असो किंवा जोनाथनचं, या मांजरांना झोपा काढण्याशिवाय दुसरे उद्योग नसतात असं माझं स्पष्ट मत आहे.”, बेबलॉश्की त्याच्या मांजरावरून अखिल मार्जारजातीचं व्यक्तिचित्र चितारत होता. स्वतः बेबलॉश्कीच्या दृष्टीनं ही कृती म्हणजे साक्षात साहित्यसेवा तर त्याच्या गुमान डोळे मिटून पडलेल्या मांजराच्या मते, नीनाच्या गोग्गोड आठवणींतून बाहेर पडण्याचा एक मार्ग होता. “आता हे त्या मांजराला कसं कळलं हे मात्र विचारू नका. असल्या नसत्या मतांच्या अन्‌ फिलॉसॉफ्यांच्या बाबतीत तो स्वतःचा कृतीबंधू गारफिल्डाचा आदर्श ठेवून आहे.”, बेबलॉश्कीची साहित्यसेवा चालूच होती.

इकडे बिचार्‍या त्या हिरव्या काळ्या मांजराला कसंतरीच व्हायला लागलं. त्याच्या दुपारच्या दुध-बिस्कीटाची वेळ टळून चालली होती. कितीही म्यावम्यावून किंवा बेबलॉश्कीला बोचकारूनही उपयोग नाही हे एव्हाना त्याला अनुभवानं माहीत झालं होतं. आता या कुपोषणातून त्याला वाचायची एकच आशा होती; नीना. किंवा तिचा कपकेक. मग त्याने फिसकारत दोन नि:श्वास सोडले. “ए, गप रे!” बेबलॉश्की गळा फाडून ओरडला. आणि दुप्पट त्वेषाने साहित्यसेवा करू लागला…

“टिंग टॉंग” बेल वाजली. बेबलॉश्की पेन आपटत दार उघडायला उठला. मांजराने फक्त कान टवकारण्याएवढेच कष्ट घेतले. दारात साक्षात नीना उभी होती. ओठांवर थोडंसं हसू आणि डोळ्यात थोडेसे आसू. ती आत आली. बेबलॉश्कीच्या साहित्यसेवेच्या खुर्चीवर बसली. “आय ऍम सॉरी, रे.” , म्हणाली. चला म्हणजे हिला मांजराशी खेळायंच नाहीये तर. बेबलॉश्की एकदम साहित्यिक हसला अन्‌ तिला हलक्या मिठीत घेतलं.

आता कोणत्या मांजराला आपल्याशिवाय कुणी मालकाच्या मिठीत शिरलेलं आवडेल? अर्थात्‌, नीनालाही कल्पना होतीच. बेबलॉश्कीला मिळाली नीना आणि मांजराला त्याचा कपकेक!!!

तळटिप:

१) बेबलॉश्की ही निवेदिता बर्वे यांची निर्मिती आहे. हे पात्र विना परवानगी वापरल्याबद्दल जाहीर माफी.

२) वरील टिप योग्य ते शब्द बदलून वाचावी.

३) पहिली टिप परत एकदा योग्य ते शब्द बदलून वाचावी.

४) ही तिन्ही पात्रं व ह्याप्रकारे लिहायची ’टिंबकथा’ नावाची पद्धत, ह्या सगळ्यासाठी मी निवेदिता बर्वे यांचा आभारी आहे.

Advertisements

2 Responses to “बेबलॉश्की”


  1. 1 Raj
    जुलै 27, 2009 येथे 10:51 म.पू.

    निवेदिता यांचे बेबलॉश्की आणि त्याचे काळे-हिरवे मांजर माझे फेवरिट आहेत. (आणि बरोबरची देबू यांची चित्रे सुद्धा.)

    पोस्ट वाचताना वरिजिनल इतकी मजा आली नाही. शोले नंतर रामूचा आग बघताना जसे वाटले तसे काहीसे वाटले. :प

    • 2 आल्हाद alias Alhad
      जुलै 27, 2009 येथे 12:25 म.उ.

      “पोस्ट वाचताना वरिजिनल इतकी मजा आली नाही.”
      साहजिक आहे… त्यांना इमिटेट करायचा कोणताच प्रयत्न करायचा नव्हता…

      आवर्जून दिलेल्या प्रतिक्रियेसाठी आभार!


प्रतिक्रिया व्यक्त करा

Fill in your details below or click an icon to log in:

WordPress.com Logo

You are commenting using your WordPress.com account. Log Out / बदला )

Twitter picture

You are commenting using your Twitter account. Log Out / बदला )

Facebook photo

You are commenting using your Facebook account. Log Out / बदला )

Google+ photo

You are commenting using your Google+ account. Log Out / बदला )

Connecting to %s


एकूण वाचक

  • 32,576 वाचक!

मनसोक्त फिरा इथे…

.....................................................

लोकप्रिय लेखन

जुना खजिना

भाषावार वर्गीकरण

माझे इतर उद्योग!

.....................................................

Flickr Photos

L'INK'

Mundane Things in Everyday Life 9

An Evening Tea

More Photos

चेहरापुस्तकावर Alhad M Photography

थोडक्यात महत्वाचे…

.....................................................

इथून उचलेगिरी करू नये!

ब्लॉगवर वाचकांचे हार्दिक स्वागत. ब्लॉगवर फिरायला, वाचायला, प्रतिक्रिया देण्याला कसलीही आडकाठी नाही. पण या ब्लॉगवरील माझे लेखन मेल, ई बुक, फेबु नोट्स, वेबसाईट, फेबु/ऑर्कुट/गूगल/याहू व तत्सम आंतरजालीय समुदायांवर किंवा पुस्तकात, मासिकात व तत्सम कोणत्याही वस्तूत पुनःप्रकाशित/पोस्ट करायचे असल्यास माझी लेखी परवानगी आवश्यक आहे. परवानगीसाठी तशी कमेंट देऊन माझ्याशी संपर्क साधू शकता.

ता.क.: आवडलेल्या लेखनाची/ब्लॉगची लिंक देऊन नवीन वाचकांना माझ्या ब्लॉगपर्यंत पोचवण्यास मात्र पूर्ण मुभा आहे.

Page copy protected against web site content infringement by Copyscape

कुठून कुठून येतात लोकं…

मी मराठीब्लॉग्ज.नेटवर

मी मराठीमंडळीवर

Marathi Mandali!

मी मराठीसूचीवर

marathisuchi - free marathi link sharing website & marathi blogs aggregator

मी मराठी कॉर्नरवर

Marathi

मी ईंडीब्लॉगरवर

alhadmahabal.wordpress.com
53/100

काही आवडते ब्लॉग्ज…

.....................................................

%d bloggers like this: