01
ऑगस्ट
12

विहीर

बर्‍याच वैयक्तिक म्हणाव्या अशा संदर्भांनी ही कविता नटलेली (फार साहित्यिक! निव्वळ वैयक्तिक संदर्भ आहेत इतकंच म्हणायचंय खरंतर.) असल्याने ब्लॉगवर टाकावी का? टाकलीच तर वाचकांपर्यंत (if any, not many!) कितपत पोचेल असंही एक वाटून गेलं. नाहीतरी अवघड किंवा ऍब्स्ट्रॅक्ट लिहीणारा म्हणून मी बदनाम आहेच… शेवटी ब्लॉगही माझाच आणि कविताही माझीच असा विचार करून (हा विचारही माझाच.) मी ही कविता आता इथे पोस्टतोय. नाव दिलंय विहीर.

वि.सू.: ह्यातील विहीर आणि अंधाराचं संदर्भ माझ्या एकटेपणापेक्षा नुकत्याच पाहिलेल्या डार्क नाईटशी जाऊन मिळतंय का याबद्दल माझ्याही मनात अजूनही संदेह आहे. असो.

रात्रीला आताशा घाबरतो मी
रात्र, म्हणजे सभोवताली अंधार
मग झोपताना दिवे मालवायचे
म्हणजे अजून अंधार
त्यात डोळे मिटले की
एखाद्या खोल अंधार्‍या विहीरीत
फेकलं गेल्यासारखं वाटतं

खोल अंधारी विहीर
डोक्यावरचा, प्रचंड उंचावरचा
पण मॅंडेटरी, प्रकाशकणही नसलेली
खोल अंधारी विहीर

मग खाडकन्‌ घाबरून डोळे उघडतो.
तेव्हा साजरं होतं विहीरीतच एक जग
आजूबाजूला
कुठूनतरी रेंगाळत आलेली
नागवी प्रकाशाची तिरीप
सार्‍या अंगावरून खसफसून जाणारं
पंख्याचं गार गरम वारं
आणि मी मनात खोलवर दाबत असतो
अंधारी विहीर

मॅंडेटरी प्रकाशकणही नसणारी

ह्या विहीरीत सर्वव्यापी ओल नाही
बिन उजेडाचा दिवस जणू
वाघळं नाहीत
उंदीर चिचुंद्र्याही नाहीत
आहे तो फक्त
भयाण अंधारी एकटेपणा

फक्त खोलवर फेकला जात रहातो रात्रभर
सकाळी उठताना निव्वळ एक वाईट स्वप्न, म्हणून
विसरता न यावं इतकी खरी असते रात्र
विहीर आणि सर्वव्यापी कोरड्या
अंधाराची रात्र…

आल्हाद महाबळ
११.३१ रात्र
२९ जुलै १२

Advertisements

5 Responses to “विहीर”


  1. ऑगस्ट 2, 2012 येथे 10:40 म.पू.

    कालच पुण्यात झालेल्या बॉम्ब ब्लास्टिंग च्या घटनेनंतर असेच काहीसे विचार मनात आले होते, नक्की काय फील होतंय तेच कळत नव्हतं. अशात तुझी कविता वाचली आणि जाणवलं.. हेच ते…. काल खरंच शब्द तोकडे पडले होते…..

  2. 2 .
    ऑगस्ट 2, 2012 येथे 2:32 म.उ.

    डार्क नाईटशी जाऊन मिळतंय का, नक्कीच.. पण हे परसेप्शन निराळं आहे, चक्रीय विहिरीसारखंच..अबोध भावानेतलं, मला ‘विहीर’ गिरीश-उमेश कुलकर्णींची आठवली लग्गेच. .

  3. 3 आल्हाद alias Alhad
    ऑगस्ट 2, 2012 येथे 11:04 म.उ.

    श्रद्धा कुलकर्णी,
    ही कविता ब्लास्टस्‌च्या आधी लिहीलेली आहे. तेव्हा बॉम्बब्लास्ट नंतरच्या (अपरिहार्य) अस्वस्थतेला कशी जाऊन मिळते हे (संदर्भ) जरा तपासून बघतो. 🙂
    . ,
    धन्यवाद.

  4. 4 चिराग
    डिसेंबर 23, 2012 येथे 10:59 म.उ.

    “सार्‍या अंगावरून खसफसून जाणारं
    पंख्याचं गार गरम वारं
    आणि मी मनात खोलवर दाबत असतो
    अंधारी विहीर”

    हो रे. हे शब्दात मांडता आलं नसतं मला. असा अनुभव येतो बर्‍याचदा.
    सुरवातीचं स्वगत लिहायला नको हवं होतं. वाचकांना कवितेत पूर्वग्रह न ठेवता घुसूदे. कवीनेच संगीतकाराकडे चाल गुणगुणत जाण्यासारखं आहे हे. लिहीणं आवश्यक असेल तर शेवटी लिहावंस असं मला वाटतं.

    • 5 आल्हाद alias Alhad
      डिसेंबर 24, 2012 येथे 1:30 म.उ.

      मान्य आहे तुझं म्हणणं. पुन्हा स्वगतच सांगायचं तर ह्या कवितेची प्रोसेस जरा जास्तच पर्सनल टायपातली होती… त्यामुळे मला हे लिहीणं गरजेचं भासलं.

      अर्थात हे अपवादात्मकच!


प्रतिक्रिया व्यक्त करा

Fill in your details below or click an icon to log in:

WordPress.com Logo

You are commenting using your WordPress.com account. Log Out / बदला )

Twitter picture

You are commenting using your Twitter account. Log Out / बदला )

Facebook photo

You are commenting using your Facebook account. Log Out / बदला )

Google+ photo

You are commenting using your Google+ account. Log Out / बदला )

Connecting to %s


एकूण वाचक

  • 32,576 वाचक!

मनसोक्त फिरा इथे…

.....................................................

लोकप्रिय लेखन

जुना खजिना

भाषावार वर्गीकरण

माझे इतर उद्योग!

.....................................................

Flickr Photos

L'INK'

Mundane Things in Everyday Life 9

An Evening Tea

More Photos

चेहरापुस्तकावर Alhad M Photography

थोडक्यात महत्वाचे…

.....................................................

इथून उचलेगिरी करू नये!

ब्लॉगवर वाचकांचे हार्दिक स्वागत. ब्लॉगवर फिरायला, वाचायला, प्रतिक्रिया देण्याला कसलीही आडकाठी नाही. पण या ब्लॉगवरील माझे लेखन मेल, ई बुक, फेबु नोट्स, वेबसाईट, फेबु/ऑर्कुट/गूगल/याहू व तत्सम आंतरजालीय समुदायांवर किंवा पुस्तकात, मासिकात व तत्सम कोणत्याही वस्तूत पुनःप्रकाशित/पोस्ट करायचे असल्यास माझी लेखी परवानगी आवश्यक आहे. परवानगीसाठी तशी कमेंट देऊन माझ्याशी संपर्क साधू शकता.

ता.क.: आवडलेल्या लेखनाची/ब्लॉगची लिंक देऊन नवीन वाचकांना माझ्या ब्लॉगपर्यंत पोचवण्यास मात्र पूर्ण मुभा आहे.

Page copy protected against web site content infringement by Copyscape

कुठून कुठून येतात लोकं…

मी मराठीब्लॉग्ज.नेटवर

मी मराठीमंडळीवर

Marathi Mandali!

मी मराठीसूचीवर

marathisuchi - free marathi link sharing website & marathi blogs aggregator

मी मराठी कॉर्नरवर

Marathi

मी ईंडीब्लॉगरवर

alhadmahabal.wordpress.com
53/100

काही आवडते ब्लॉग्ज…

.....................................................

%d bloggers like this: