झाडे

दिवसभराचा मानसिक थकवा घालवायला मी जोरजोराने व्यायाम करतो. शेवटी तिथल्या तिथेच आडवा होतो, शवासन किंवा कूल डाउन वगैरे नुसत्या सबबीच. पंख्याचा गरम वारा अंगावर भिरभिरत राहतो. इन द मूड फॉर लव्ह मधलं वेडं व्हायोलीन आजवरच्या अनेक उष्ण पानगळींच्या दिवसांची आठवण करून देत रहातं. झाडं हुशार असतात. जुन्या वाळक्या आठवणींना अलगद वाऱ्यावर सोडून देतात. एकच उन्हाळा सहन करतात आणि वळवाच्या पावसासोबत पुन्हा तरूण होतात.
आपण मूर्ख असतो, जन्मतःच. आपण रोज रात्री कुमार गंधर्व, वीकेंड्सला यमन, पावसाळ्यात मल्हार अशी नित्य नवी मलमं लावत बसतो आठवणींना; आज नाही तर उद्या त्या वाळक्या कुरकुरीत आठवणी पुन्हा हिरवागार वर्तमान बनून येतील असल्या वेडझव्या आशेत. एखाद्या अनवट तानेनं किंवा अनपेक्षित समेनं ठोका चुकतो आणि जखम भळभळू लागते पुन्हा.
हे भळभळणं सहन व्हायच्या पलिकडचं असतं. मग लकी अली किंवा केकेच्या पॉप गाण्यांचा आश्रय असतो. त्यातही शुभा मुदगलांचं अब के सावन ऐसे बरसे ऐकल्याशिवाय प्लेलिस्ट संपत नाही. आशिकी २ ची गाणी लूपमधे ऐकणाऱ्या मित्राला शिव्या घालणं कितीतरी सोपं असतं. पण हंस अकेला ऐकल्याशिवाय आपल्याला झोप येत नाही त्याचं कारण काय?
मूर्ख सगळेच असतात. मलमं आपापली वेगळी… वाळक्या पानांवरून आवाज करत जायला आवडतं खरं आपल्याला पण कशावरून वैश्विक झाडांची वैश्विक दुःखंच आपल्यावर भूत बनून बसत नसतील?

.

.

 

Time is different for a tree than for a man. Sun and soil and water, these are the things a weirwood understands, not days and years and centuries. For men, time is a river. We are trapped in its flow, hurtling from past to present, always in the same direction. The lives of trees are different. They root and grow and die in one place, and that river does not move them. The oak is the acorn, the acorn is the oak. – GRRM

Advertisements

प्रतिक्रिया व्यक्त करा

Fill in your details below or click an icon to log in:

WordPress.com Logo

You are commenting using your WordPress.com account. Log Out / बदला )

Twitter picture

You are commenting using your Twitter account. Log Out / बदला )

Facebook photo

You are commenting using your Facebook account. Log Out / बदला )

Google+ photo

You are commenting using your Google+ account. Log Out / बदला )

Connecting to %s