30
ऑगस्ट
15

उणीवा आणि ओळख

तू काय आहेस हे तुझं तुला कळल्याशिवाय तुला कोण हवं आहे हे कसं कळेल? आपण आपल्याच जगण्याच्या बेड्या तोडून बाहेर पडलो नाही तर दुसर्‍याचं जगणं आपल्याला कसं समजून घेता येईल. तुला कळतंय का, आपण एका मोठ्ठ्या जिगसॉ पझलचे तुकडे आहोत. आपल्या आजूबाजूला कुठले तुकडे बरोबर बसतात हे बघण्यासाठी आपण आपल्या तुकडेपणातून बाहेर यायला नको? पण मग त्यासाठी आपल्या तुकडेपणाच्या सीमा चाचपडणं आलं. आपण कुठे कमी पडतोय ते कोरून बघणं आलं. वेदनादायी आहे हे एकूणच. पण गरजेचं आहे. कारण त्याशिवाय आपल्याला कवेत घेऊन बसलेला तुकडा आपल्या उणीवेकडे कसा बघतोय हे कसं कळणार? तुझी उणीव तो भरून काढू शकतो म्हणून की तुझ्याचसारखी उणीव एखादी त्यालाही आहे म्हणून. आपल्या जगण्याच्या बेड्या तोडून बाहेर पडलो नाही तर त्याच्या उणीवेला कवेत कधी घेणार? की फक्त आपल्याच उणीवांना कवेत घेणारे शोधत फिरणार आयुष्यभर?
ह्या बेड्या तोडायच्या म्हणजे काय करायचं? बंधनं नाकारायची. आपल्या उणीवांना कवेत घेणारं कुणी भेटावं म्हणून त्यांना हुळहुळत ठेवण्यात काय अर्थ आहे? तो माझ्या उणीवांना समजून घेतो म्हणून त्याच्या कवेत शिरण्याऐवजी त्याच्या येण्यानं माझ्या उणीवा उरल्याच नाहीत तर? अर्थात्‌ असा कुणी मिळावाच असा आग्रह नाही आणि शाश्वती तर त्याहून नाही. आपल्याला आपल्याच उणीवा भरून काढायला दुसर्‍या कुणाची गरज भासू नये इतकंच. आपल्याला कुणी ना कुणी हवं असतं. का हवं असतं? मिळाल्यावर आपल्या जगण्यात त्याच्या येण्याने नक्की काय होणार असतं? कंपॅनियनशिप, प्रेम, सेक्स ह्या फार वरवरच्या गोष्टी आहेत मला जे म्हणायचंय त्या गोष्टीच्या. तेवढ्यावरच गोष्टी थांबत नाहीत. फार खोल खोल उतरत रहातात आपल्या जगण्यात आयुष्यभर. ह्या गोष्टीला नाव नाही. पण कवेत शिरताना असं पलिकडचं उत्तर क्षणभरासाठी जरी मिळून गेलं तरी खूप झालं! स्वतःच्या ओळखीशी दुसर्‍याच्या ओळखीची सांगड घालून देण्याचा सगळा झगडा आहे हा. कधी जमतो. कधी तुटतो. झगडा करून करून एकदा का मातीत लोळलं की मग अनेक गोष्टी सोप्या होतात. मुख्य म्हणजे ग्रेसफुली हारता येतं. नव्या उत्साहाने झगड्यात पडता येतं. काहीच जमत नसेल तर स्वतःला असलेल्या स्वतःच्या ओळखीसारखं क्षणभंगूर काही नाही.
कोणी हवं आहे असं वाटेपर्यंत आणि तो मिळेपर्यंत स्वतःलाच चाचपत रहायचं. नव्याने ओळखत रहायचं; आणि काय?

-आल्हाद
३० ऑगस्ट १५
२१:३२

Advertisements

1 Response to “उणीवा आणि ओळख”


  1. ऑगस्ट 30, 2015 येथे 10:25 म.उ.

    >>>
    झगडा करून करून एकदा का मातीत लोळलं की मग अनेक गोष्टी सोप्या होतात. मुख्य म्हणजे ग्रेसफुली हारता येतं.
    >>>
    +100 for this.
    I could relate to it at so many levels…
    & if some reader some where says,”Oyi thats exactly my feeling” … u win as a writer 🙂


प्रतिक्रिया व्यक्त करा

Fill in your details below or click an icon to log in:

WordPress.com Logo

You are commenting using your WordPress.com account. Log Out / बदला )

Twitter picture

You are commenting using your Twitter account. Log Out / बदला )

Facebook photo

You are commenting using your Facebook account. Log Out / बदला )

Google+ photo

You are commenting using your Google+ account. Log Out / बदला )

Connecting to %s


एकूण वाचक

  • 32,576 वाचक!

मनसोक्त फिरा इथे…

.....................................................

लोकप्रिय लेखन

जुना खजिना

भाषावार वर्गीकरण

माझे इतर उद्योग!

.....................................................

Flickr Photos

L'INK'

Mundane Things in Everyday Life 9

An Evening Tea

More Photos

चेहरापुस्तकावर Alhad M Photography

थोडक्यात महत्वाचे…

.....................................................

इथून उचलेगिरी करू नये!

ब्लॉगवर वाचकांचे हार्दिक स्वागत. ब्लॉगवर फिरायला, वाचायला, प्रतिक्रिया देण्याला कसलीही आडकाठी नाही. पण या ब्लॉगवरील माझे लेखन मेल, ई बुक, फेबु नोट्स, वेबसाईट, फेबु/ऑर्कुट/गूगल/याहू व तत्सम आंतरजालीय समुदायांवर किंवा पुस्तकात, मासिकात व तत्सम कोणत्याही वस्तूत पुनःप्रकाशित/पोस्ट करायचे असल्यास माझी लेखी परवानगी आवश्यक आहे. परवानगीसाठी तशी कमेंट देऊन माझ्याशी संपर्क साधू शकता.

ता.क.: आवडलेल्या लेखनाची/ब्लॉगची लिंक देऊन नवीन वाचकांना माझ्या ब्लॉगपर्यंत पोचवण्यास मात्र पूर्ण मुभा आहे.

Page copy protected against web site content infringement by Copyscape

कुठून कुठून येतात लोकं…

मी मराठीब्लॉग्ज.नेटवर

मी मराठीमंडळीवर

Marathi Mandali!

मी मराठीसूचीवर

marathisuchi - free marathi link sharing website & marathi blogs aggregator

मी मराठी कॉर्नरवर

Marathi

मी ईंडीब्लॉगरवर

alhadmahabal.wordpress.com
53/100

काही आवडते ब्लॉग्ज…

.....................................................

%d bloggers like this: