अंतर

अंतर जाणवतं जेव्हा
शब्द अडखळतात
मारतात बुबुळांना धक्के
बाहेर पडायला… अंतर वाचन सुरू ठेवा

खिडकीत

रोज होते तशीच सकाळ आजही झाली. रोज जातात तसेच आजही ते वेळेवर ऑफिसला निघून गेले. रोज वाजतात तसेच आजही साडेदहा वाजले. आणि ती तीचे लांबसडक केस विंचरत खिडकीत येऊन उभी राहिली. खिडकीत वाचन सुरू ठेवा

मानसीचा चित्रकार तो…

अमावस्येच्या रात्रीचा गडद अंधार, लाल शेंदरी पहाट, आणि आता कोवळं ऊन झरोक्यातून आत येऊ लागलं. त्या ताज्यातवान्या उन्हानं खोली उजळून निघाली होती. कवडश्यात धूळ खेळत होती. मधूनच हवेच्या झुळकीने गडबडून जात होती. मानसीचा चित्रकार तो… वाचन सुरू ठेवा

Personal Paradigm Shift- पर्सनल पॅराडाईम शिफ्ट

धनन धनन धन एकसारखा गुंजणारा आवाज. जड झालेले श्वास. अनियमित. डोक्यात अपयशाचं भय. डोक्यात ड्रम बडवल्यासारखं. मुंबईत असह्य उकडू लागलंय परत. दूर रस्त्यावरून वेगाने जाणार्‍या वाहनांची भिती वाटते. पलंगावर पडल्या पडल्या भिनतो तो वेग रक्तात. आणि मग अशक्य होतं झोपणं. फुल स्पीडवर फिरणार्‍या फॅनखालीही कपाळावर घाम साचू लागतो. घाबरून डोळे बंद करावे तरी जाणवते ती फक्त आग. कसलातरी personal paradigm shift करायची. धनन धनन धन र्‍हिदम वाढत राहतो. आणि बंद डोळ्यात आग. Personal Paradigm Shift- पर्सनल पॅराडाईम शिफ्ट वाचन सुरू ठेवा

ऊन

आज कितीतरी दिवसांनी इथे मुंबईत ऊन पडलंय. इतके दिवस पावसाने झोडपलेली, मंदावलेली मुंबई आता परत नेहमीच्याच वेगाने कामाला लागलीये. तर या अशा ऊन्हाचीच ही कविता…
उन पडलंय आज, चमकदार उन.
काळ्या ढगांखालचं धुरकट जग नाहीसं करून,
उन पडलंय आज, चमकदार उन.
उन पडलंय आज, चमकदार उन
कडाडणार्‍या मग्रूर विजांना उत्तर म्हणून,
उन पडलंय आज, चमकदार उन.
सगळंच कसं दिसतंय आता
स्वच्छ, सुंदर आणि गरम
चमकतायत आता प्रत्येकाचे डोळे
आणि त्यातले खरेखुरे भाव
माणसा माणसांतल्या कटू सत्याची ओळख देऊन
उन पडलंय आज, चमकदार उन.
अगदी काल रात्रीपर्यंत भिजून कुडकुडणारा तो
मनातून मात्र आनंदीच असायचा
आता परत त्याच्या कपाळावर आठी
आणि एकट्यानेच चालण्यात पूर्वीचा वेग
भुवईत जमणार्‍या घामाबरोबरच माणसांना दूर करून
उन पडलंय आज, चमकदार उन.

आज कितीतरी दिवसांनी इथे मुंबईत ऊन पडलंय. इतके दिवस पावसाने झोडपलेली, मंदावलेली मुंबई आता परत नेहमीच्याच वेगाने कामाला लागलीये. तर या अशा ऊन्हाचीच ही कविता… ऊन वाचन सुरू ठेवा